Կառավարությունը որոշեց մոտ 38 միլիոն դրամ գումար հատկացնել շրջակա միջավայրի նախարարությանը, որի շրջանակներում նախատեսվում է իրականացնել 97 հորի կոնսերմացման և 8 հորի լուծարման աշխատանքներ։
Ինչպես նշեց Շրջակա միջավայրի նախարար Էրիկ Գրիգորյանը՝ սրա արդյունքում զգալի չափով ջուր՝ գրեթե 30 միլիոն խորանարդ մետր, կմնա Հայաստանում և կօգտագործվի, ոչ թե ուղղակի կհոսի կամ կգնա ապօրինի շրջանառության։
Մեկ այլ նախագծով՝ 268 միլիոն Դրամ հատկացնել տարածքային կառավարման և ենթակառուցվածքների նախարարությանը` վերջինիս կողմից այդ գումարը նվիրաբերության պայմանագրով Հայաստանի տարածքային զարգացման հիմնադրամին տրամադրելու համար:
Սույն որոշման նախագծով նախատեսվում է ներդրումային ծրագրի շրջանակներում իրականացվելիք ՀՀ մարզերում ջրամատակարարման համակարգերի վերակառուցման աշխատանքներ: