«Ռոման» պաշտոնապես հայտնել է, որ նոր պայմանագիր է կնքել թիմի հարձակվող Էդին Ջեկոյի հետ։ Կողմերը պայմանագիր են կնքել, որը նախատեսված է երեք մրցաշրջանի համար՝ մինչև 2022 թվականի հունիսի 30-ը։
«Վերջին մի քանի շաբաթում հասկացա՝ որքան շատ է ակումբն ուզում, որ ես մնամ։ Ղեկավարության հետ զրույցներս, մարզչի հետ կատարած աշխատանքս, թիմակիցներիս վերաբերմունքն ու երկրպագուների սերը ստիպեցին ինձ ևս մեկ անգամ գիտակցել այն, ինչ հասկացել եմ այս 4 տարիների ընթացքում․ «Ռոման» իմ տունն է։ Այստեղ անհրաժեշտ ամեն ինչ կա հաղթելու համար։ Ուրախ եմ, որ կարող եմ մնալ այստեղ»,- Ջեկոյի խոսքերն է փոխանցում հռոմեացիների մամուլի ծառայությունը։
Նշենք, որ Ջեկոն «Ռոմա»-ի կազմում հանդես է գալիս 2016 թվականից։ Նախորդ մրցաշրջանում 33-ամյա հարձակվողը ակումբային մրցաշարերի 40 խաղում դարձել է 14 գոլի ու 11 արդյունավետ փոխանցման հեղինակ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
