«Բարսելոնայի» ավագ Լիոնել Մեսսին հայտարարել է, որ կատալոնական ակումբից հեռանալու ցանկություն չունի։ Այս մասին հաղորդում է Marca-ն։
Նշենք, որ «Բարսելոնա»-ի հետ պայմանագիրն ավարտվում է ընթացիկ մրցաշրջանի վերջում:
««Բարսելոնան» իմ տունն է։ Չեմ ցանկանում հեռանալ, ուզում եմ հաղթել»,-ասել է Մեսսին
Ավելի վաղ տարբեր ԶԼՄ-ներում տեղեկություններ էին տարածվել, թե ֆուտբոլիստը ցանկանում է շարունակել իր կարիերան հյուսիսամերիկյան MLS-ում:
Մասնավորապես, հայտնի էր դարձել, որ «Ինտեր Մայամիի» համասեփականատեր Դևիդ Բեքհեմը կապ է հաստատել Մեսսիի գործակալների հետ՝ պարզելու, թե արդյո՞ք 32-ամյա արգենտինացին ամերիկյան թիմ կտեղափոխվի գործող պայմանագրի ավարտից հետո:
