Սեպտեմբերի 16-23-ը Գեղարքունիքում կանցկացվի «Թատերական Գավառ» փառատոնը: Գավառի Լ. Քալանթարի անվան թատրոնի բեմից թատերասեր հանրությունը հաղորդակից կդառնա թատերարվեստի զարգացումներին, մարզում կաշխուժանա թատերական կյանքը:
«Թատերական Գավառ» փառատոնի հանդիսավոր բացումը կայացել է սեպտեմբերի 16-ին` ժամը 19:00-ին, Գավառի Լ. Քալանթարի անվան թատրոնում:
Փառատոնի շրջանակում Երևանի, Վանաձորի և Գավառի թատրոնների մասնակցությամբ նախատեսված է շուրջ տասը ներկայացում` Ս. Նալբանդյանի «Հաղթանակի գենեզիս» (Համազգային թատրոն), Հ. Թումանյանի «Հենց էն Հուռին» (Հ. Թումանյանի անվան տիկնիկային թատրոն), Ա. Շիրվանզադեի «Չար ոգի» (Վանաձորի Հ. Աբելյանի անվ. թատրոն), ըստ ռուս ժողովրդական հեքիաթների «Գայլն ու յոթ ուլիկները» (Կ. Ստանիսլավսկու անվ. ռուսական թատրոն), Կ. Խոդիկյանի «Սիրային քառանկյունի» (Հ. Պարոնյանի անվան երաժշտական կոմեդիայի թատրոն), Է. Րաֆֆիի «Իուարշայի սուրը» (Պատանի հանդիսատեսի թատրոն), Ա. Այվազյանի «Ցեղի ֆիզիոլոգիա» (Հ. Մալյանի անվան թատրոն), Ժ. Դադասյանի «Խաղ» (Մնջախաղի թատրոն), Հ. Բեգլարյանի «Արծվաբույն» (Գ. Սունդուկյանի անվան ազգային ակադեմիական թատրոն), Մ. Իշխանի «Կիլիկիո արքան» (Գավառի Լ․Քալանթարի անվան թատրոն)։
Միջոցառումն անցկացվում է Գեղարքունիքի մարզպետարանի աջակցությամբ, «Հրայր և Աննա Հովնանյան» հիմնադրամի և Հայաստանի թատերական գործիչների միության նախաձեռնությամբ: Ներկայացումների մուտքն ազատ է:
Փակման արարողությունը` սեպտեմբերի 23-ին, ժամը 19:00-ին, Գ. Սունդուկյանի անվան ազգային ակադեմիական թատրոնում` Հ. Բեգլարյանի «Արծվաբույն» ներկայացումով:
Այս մասին տեղեկացնում են ՀՀ ԿԳՄՍՆ պաշտոնական կայքից։
ԽՈՐՀՈւՐԴ Է ՏՐՎՈւՄ ԿԱՐԴԱԼ
