Կիսապաշտպան Ֆիլիպե Կոուտինյոն այլևս չի վերադառնա «Բարսելոնա»: Այս մասին հայտնում է AS պարբերականը:
Նշվում է, որ «Բարսայում» հույս ունեն, որ բրազիլացին առաջիկայում կհեռանա թիմից մշտական հիմունքներով։ Ֆուտբոլիստը վարձակալության հիմուքներով տեղափոխվել է «Բավարիա»: 27-ամյա Կոուտինյոն մինչև ընթացիկ մրցաշրջանի ավարտը կմնա գերմանական ակումբում, որը հետագայում նաև հնարավորություն կունենա 120 միլիոն եվրոյով գնել նրան:
Կատալոնական ակումբի կարծիքով մյունխենցիները կօգտվեն այդ հնարավորությունից։ Բարսելոնացիները նաև համաձայն են քննարկել Կոուտինյոյի՝ ԱՊԼ վերադառնալու հնարավոր տարբերակը։
Բրազիլացին Բունդեսլիգայի ընթացիկ մրցաշրջանում անցկացրել է 6 հանդիպում, խփել է 2 գոլ և կատարել երկու արդյունավետ փոխանցում: