ՀՀ վարչապետ Նիկոլ Փաշինյանը Facebook-ի իր էջում գրել է.
«Այս տարվա տասը ամիսների տվյալներով նախորդ տարվա նույն ժամանակահատվածի համեմատ ավել է տպագրվել 97 միլիոն 858 հազար 593 ՀԴՄ կտրոն. աճը 38.3 տոկոս:
Այս կտրոններով արձանագրված առեւտրի շրջանառությունը աճել է 273 միլիարդ 887 միլիոն դրամով, որը առեւտրի ընդհանուր շրջանառության 21.8 տոկոսն է:
Շնորհակալություն եմ հայտնում բոլոր այն տնտեսվարողներին, ովքեր պարտաճանաչ տրամադրում են ՀԴՄ կտրոններ:
Շնորհակալություն եմ հայտնում բոլոր այն քաղաքացիներին, ովքեր պարտաճանաչ պահանջում են ՀԴՄ կտրոններ:
Նաեւ այս մարդկանց շնորհիվ է, որ մենք կարողանում ենք զինվորականների, հրշեջների, ուսուցիչների աշխատավարձ բարձրացնել, թոշակներ բարձրացնել, մեր զինվորներին ապահովել բարձրորակ սննդով, ասֆալտապատել հարյուրավոր կիլոմետր ճանապարհներ:
Ստանում ենք բազմաթիվ ահազանգեր, որ շատ տեղերում շարունակվում է ՀԴՄ չտպելու արատավոր պրակտիկան: Ուզում եմ հիշեցնել, որ ՀԴՄ չտրամադրողը եւ ՀԴՄ չպահանջողը մասնակցում են մի գործընթացի, որով փաստացի գողացվում են զինվորի, ուսուցչի, թոշակառուի վիճակը բարելավելու համար նախատեսված ֆինանսական միջոցները»:
https://www.facebook.com/nikol.pashinyan/posts/2455919688061745?__xts__[0]=68.ARD-wp_ySki99JThTfzZ6Xn20cqKesG496JaTi_grZdu-ZjXn7U8kcM8oaOZUsGF7aF0cna3SFp7ZnRi_-dGo1isPK4j7dS-RAk_nLEKCPZcYhfTWp2orFFU7dK9wpWuPzvbEBf3fzYRr0v_Q1b4VoTzNo6TFeMKca9AczTDb8-YNqWAYjVd8giJ67WJmaeEUD6p4i6KcPYynhNrXVqont-tkAGyJcV2hPrJyhz782J_4wj9An-t8ZTBwue882QsIvbPt0x2aWbXUwelO0hqEp35hc0TtLFdO8xgC4L6yDZamp2PNK8yLfPYBsSfnv0Ra5rtbSUvRIUSy5sucPy-2c0f&__tn__=-R
