«ՌԲ Լայպցիգի» հարձակվող Քրիստոֆեր Նկունկուն 5 տարվա պայմանագիր կկնքի «Չելսիի» հետ Քաթարում կայանալիք Աշխարհի առաջնության մեկնարկից առաջ։
Ինչպես հայտնում է Sport Bild-ը, գործարքի մասին պաշտոնապես կհայտարարվի Մունդիալի մեկնարկից առաջ:
Սպասվում է, որ «Չելսին» Նկունկուի տրանսֆերի համար կվճարի 60 միլիոն եվրոյից մի փոքր ավելի, որը նշված էր ֆուտբոլիստի պայմանագրում որպես փոխհատուցում: Այսպիսով, լոնդոնյան ակումբը ցանկանում է ավարտին հասցնել գործարքը, քանի դեռ այլ ակումբներ չեն ներառվել այս մրցավազքում։