Դավիթ Ֆիդանյանը Facebook-ի իր էջում գրել է․
«Նկարում պատկերված է 80 տարի առաջ այս օրը՝ 1939թ. նոյեմբերի 30-ին սկսված Խորհրդաֆիննական կամ «Ձմեռային պատերազմ»-ի լեգենդ դիպուկահար Սիմո Հյայուհյան:
Այս դիպուկահարը խորհրդային հանցագործ օկուպանտների իսկական սարսափն էր: Սովետական օկուպանտների շրջանում նա կնքվել էր «Սպիտակ մահ» անվամբ: Սովետական հրամանատարության կողմից նրա գլխի համար գին էր սահմանվել:
Սիմոն պատմության ամենալավ դիպուկահարներից մեկն է: Տարբեր տվյալների համաձայն՝ նրա դիպուկության զոհ են դարձել մինչև 742 խորհրդային օկուպանտ:
Պատմության մեջ այս օրը 1939թ. նոյեմբերի 30-ին ԽՍՀՄ-ը հարձակվեց Ֆինլանդիայի վրա: Սկսվեց «Ձմեռային պատերազմը»: Խորհրդային Միությունը ցանկանում էր օկուպացնել Ֆինլանդիան, քանի որ ըստ նացիստների հետ կնքված Մոլոտով-Ռիբենտրոպ պակտի՝ Ֆինլանդիան Մերձբալթյան տարածաշրջանի հետ մեկտեղ համարվում էր ԽՍՀՄ ազդեցության գոտի: Այդ նպատակով նրանց հատուկ ծառայությունները սահմանային սադրանքներ կազմակերպեցին և դրանում մեղադրեցին ֆիննական կողմին: Պատերազմի առիթը պատրաստ էր:
Նոյեմբերի 30-ի առավոտյան առաջին ինքնաթիռները երևացին Հելսինկիի երկնքում: Եթե մինչ այդ Խորհրդային Միությունը հեշտությամբ օկուպացրել էր Մերձբալթյան տարածաշրջանը, ապա պետք է նշել, որ ֆինների հարցում կոմունիստների ծրագրերը ձախողվեցին:
Բանն այն է, որ ֆինները՝ մարշալ Մաներգեյմի գլխավորությամբ, Մաներգեյմի հռչակավոր պաշտպանական գծի մոտ, Վիբուրգյան սառույցների վրա և Սուլմուսամի բնակավայրի մոտ ջարդում էին խորհրդային օկուպանտներին: Ընդհանուր առմամբ ֆինները, զենքը ձեռքներին, կարողացան որոշակի տարածքների կորստի գնով պահպանել անկախությունը:
Այս պատերազմի հատկանշական կողմերից մեկն այն է, որ այն կոտրում է փոքր ազգերի անկարողության և թուլության միֆը: Պատերազմի ընթացքում ֆինները կորցրին 8 տանկ, իսկ թշնամին կորցրեց 2300 տանկ: Հատկանշական է, որ մի քանի ամիս տևած պատերազմի ընթացքում 5 միլիոն բնակչություն ունեցող ֆինների կորուստները կազմում էին մոտավորապես 24 հազար մարդ, իսկ սովետական բանակի կորուստները կազմում էին 384 հազար մարդ:
https://www.facebook.com/photo.php?fbid=2652861008096490&set=a.501083209940958&type=3&theater
ԽՈՐՀՈւՐԴ Է ՏՐՎՈւՄ ԿԱՐԴԱԼ
