Ամերիկյան կենսատեխնոլոգիական Moderna ընկերության կորոնավիրուսի դեմ պատվաստանյութը մտել է կլինիկական փորձարկման երրորդ փուլ։ Դրան մասնակցելու են շուրջ 30 հազար կամավոր։
Դոնալդ Թրամփն էլ իր հերթին հայտարարել է, որ պատվաստանյութը պատրաստ կլինի 2020 թվականի վերջին, հայտնում է ТАСС-ը։
Ըստ աղբյուրի՝ ԱՄՆ նախագահը հայտնել է, որ Միացյալ Նահանգները մեծ ծավալով պատվաստանյութի չափաբաժին է արտադրում ու համապատասխան փորձարկումներից և ստուգումներից հետո դրանք տրամադրվելու են ամերիկացիներին։
Նշվում է, որ Թրամփի խոսքով՝ պատվաստանյութը հասանելի է լինելու ամբողջ աշխարհի համար։
Նշենք նաև, որ Moderna-ի երկրորդ պատվաստանյութը փորձարկման երրորդ փուլ է մտնելու օրեր անց։
