Շուշիից զատ այսօր մարտեր են ընթացել նաև այլ ուղղություններում. այս մասին այսօր Հայկական միասնական տեղեկատվական կենտրոնում ասել է Արցախի Պաշտպանության բանակի ներկայացուցիչ Սուրեն Սարումյանը՝ նշելով, որ յուրային զորքերը որոշ հատվածներով առավել նպաստավոր բնագծեր են զբաղեցրել:
«Օրվա ընթացքում տարբեր ուղղություններում ոչնչացվել է թշնամական ուժերին պատկանող մեկ տանկ, 4 միավոր ավտոտեխնիկա և 8 ԱԹՍ: Հարավ-արևմտյան հատվածում ընթացող գործողությունների ընթացքում հաջողվել է վերցնել հակառակորդի մեկ տանկ և հրետանային միջոցներ»,- ասել է Սարումյանը: