Չինական Xiaomi ընկերությունը մտադիր է նոյեմբերին ներկայացնել իր նոր բյուջետային սմարթֆոնը՝ Poco M4 Pro մոդելը: Այս մասին հաղորդել է ՌԻԱ Նովոստին։
Ըստ աղբյուրի՝ սմարթֆոնը կհամալրվի MediaTek Dimensity 810 պրոցեսորով և կաշխատի 5-րդ սերնդի ցանցով: Առաջադեմ մոդելը՝ Poco M4 Pro-ն կզինվի 8 ԳԲ օպերատիվ հիշողությամբ: Գաջեթը կստանա 33 Վտ հզորությամբ արագ լիցքավորում և ինֆրակարմիր միակցիչ՝ կենցաղային տեխնիկան կառավարելու համար:
Նշվում է, որ նորույթի գինը դեռևս չի հաղորդվում, սակայն նշվում է, որ այն թանկարժեք չի լինելու:
