Ամերիկյան Apple ընկերությունն ամենաարժեքավոր համաշխարհային ապրանքանիշերի Kantar’s BrandZ 100 վարկանիշում զբաղեցրել է առաջին տեղը: Ըստ վարկանիշի՝ Apple ապրանքանիշի արժեքն անցյալ տարվա ընթացքում աճել է մինչև 947,1 մլրդ դոլար. iPhone արտադրողը 2015 թվականից ի վեր առաջին անգամ հայտնվել է առաջին հորիզոնականում։
Երկրորդ տեղը զբաղեցրել է Google-ը, ընկերությունը գնահատվում է 820 մլրդ դոլար, իսկ Amazon-ը, որին Apple-ը դուրս է մղել վարկանիշի առաջին գծից, 705,6 մլրդ դոլար արդյունքով իջել է երրորդ հորիզոնական։
Microsoft-ը հայտնվել է չորրորդ տեղում՝ 611,5 միլիարդ դոլարով, իսկ Tencent-ը՝ չինական ինտերնետ հսկան և WeChat-ի սեփականատերը, 5-րդ տեղում է՝ 214 միլիարդ դոլարով:
Աշխարհի ամենաթանկ ապրանքանիշերի տասնյակում ներառվել են նաև McDonald’s-ը (197 մլրդ դոլար), Visa-ն (191 մլրդ դոլար), Facebook-ը (186 մլրդ դոլար, ընկերությունը պատկանում է Meta-ին), Alibaba-ն (170 մլրդ դոլար) և Louis Vuitton-ը (124 միլիարդ դոլար):
Իլոն Մասկի կողմից հիմնադրված Tesla-ն (75 մլրդ դոլար) զբաղեցրել է 29-րդ հորիզոնականը։
Amazon-ն ամենաարժեքավոր համաշխարհային ապրանքանիշերի BrandZ 100 վարկանիշը գլխավորել է 2021, 2020 և 2019 թվականներին:
Աղբյուրը՝ tert.am
