Ուկրաինայում զինվորականների իրավունքների պաշտպան Ալենա Վերբիցկայան հայտնել է, որ հանրապետությունում անհետ կորած է համարվում 15000 մարդ, որոնց մի մասը քաղաքացիական անձինք են։ Նա նաև նշել է, որ անհամապատասխանություն կա հաստատված ռազմագերիների և անհայտ կորածների թվերի հարցում: Այս մասին հայտնում է Bloomberg-ը։
Զելենսկու գրասենյակի ղեկավարի խորհրդական Ալեքսեյ Արեստովիչն էլ հայտնել է, որ Ուկրաինայի զինված ուժերը լուրջ կորուստներ են կրում Դոնեցկի Ժողովրդական Հանրապետության Արտյոմովսկի և Սոլեդարի շրջաններում։ Այս մասին քաղաքական գործիչն ասել է Feigin Live-ի եթերում:
Նա պարզաբանել է, որ ուկրաինական ստորաբաժանումների «գլխավոր հարվածի» ուղղությունները «Բախմուտի արևելյան շրջաններն են (ուկրաինական Արտյոմովսկի անվանումը) և Սոլեդարն իր մերձակա տարածքներով»:
Մեկ այլ տեղեկությամբ՝ երեկ Ուկրաինայում 5 ժամ շարունակ օդային հարվածների ազդանշաններ են հնչել: Ուկրաինայի զինված ուժերից հայտնել են, որ հարձակման ընթացքում արձակվել է ավելի քան 120 հրթիռ, խոցվել են 54-ը: Հանրապետության մի շարք շրջաններում հայտարարվել է օդային տագնապ:
![](https://azat.tv/wp-content/uploads/2022/09/azattvlogoblack.png)