Ռեալն ամռանը ծրագրում է ձեռք բերել Բավարիայի ֆուտբոլիստին

Մադրիդի «Ռեալի» հետաքրքրության ոլորտում է «Բավարիայի» և Կանադայի ազգային հավաքականի պաշտպան Ալֆոնսո Դևիսը, գրում է El Nacional-ը։

Մադրիդցիներն ակնկալում են 22-ամյա ֆուտբոլիստին ձեռք բերել այս ամառ։ Այնուամենայնիվ, Դևիսի տրանսֆերը քիչ հավանական է, քանի որ Մադրիդի «Ռեալը» պատրաստ չէ բավարարել «Բավարիայի» պահանջը: Մյունխենում Դևիսի տրանսֆերը գնահատում են 80-90 մլն եվրո։

Ալֆոնսո Դևիսը «Բավարիա» է տեղափոխվել 2019 թվականին «Վանկուվերից»։ Մյունխենյան ակումբի կազմում անցկացրած 134 խաղում կանադացի ֆուտբոլիստը դարձել է 6 գոլի և 21 գոլային փոխանցման հեղինակ։

Նրա պայմանագիրը գերմանական թիմի հետ նախատեսված է մինչև 2025 թվականի ամառը։