Լեռնային Ղարաբաղի ադրբեջանական շրջափակման հետևանքով արդեն 9 ամիս արցախցի շուրջ 30 հազար երեխա ոչ միայն սննդի խնդիր ունի, այլև զրկված է հիմնարար իրավունքներից և ազատություններից, այդ թվում՝ կրթական:
Միջազգային կառույցների ուշադրությունը հրավիրելու և երեխաների իրավունքները անհապաղ վերականգնելու պահանջով Հայաստանում գտնվող արցախցիները ՄԱԿ-ի գրասենյակի դիմաց ակցիա են իրականացրել, կոչ արել ՄԱԿ-ի Անվտանգության խորհրդի օգոստոսի 16-ի նիստի հայտարարությունների հիման վրա ընդունել Ադրբեջանի գործողությունները դատապարտող բանաձև։
