Մեծ Բրիտանիայի և Նոր Զելանդիայի գիտնականների միջազգային խումբը պարզել է, որ 2022 թվականի հունվարին Հունգա Տոնգա-Հունգա Հաապայ կղզիների մոտ ստորջրյա հրաբխի զանգվածային ժայթքումը ստեղծել է երբևէ գրանցված օվկիանոսի ամենաարագ հոսանքները: Հետազոտությունը հրապարակվել է Science գիտական ամսագրում։
Հրաբխի պայթյունի պատճառով 122 կմ/ժ արագությամբ ծովի հատակով ցրվել են քարերի, մոխրի ու գազերի հոսքեր։ Հրաբխագետները հաշվարկել են նրանց շարժման դինամիկան՝ օգտագործելով կատակլիզմի հետևանքով վնասված սուզանավային մալուխի վնասման ժամանակի և վայրի մասին տեղեկատվությունը։
Գիտնականները նաև պարզել են, որ Հունգա Տոնգա-Հունգա Հաապայի ժայթքումը մթնոլորտ է նետել բեկորներ մինչև 57 կմ ռեկորդային բարձրության, իսկ արձակված էներգիան համեմատելի է հարյուրավոր ատոմային ռումբերի միաժամանակյա պայթյունի հետ:
