«Ինտերը» քայլեր է ձեռնարկում մի քանի խաղացողների հետ պայմանագրերը երկարաձգելու ուղղությամբ: Այս մասին հայտնում է La Gazzetta dello Sport-ը։
Ակումբը ցանկանում է մինչև այս տարվա ավարտը երկարաձգել թիմի պաշտպան Ֆեդերիկո Դիմարկոյի պայմանագիրը։ Նրա աշխատավարձը կկրկնապատկվի՝ 2-ից մինչև 4 միլիոն եվրո մեկ մրցաշրջանում։
Պաշտպան Դենզել Դումֆրիսը նույնպես կերկարաձգվի պայմանագիրը, որն ուժի մեջ կլինի մինչև 2027 թվականը։ Նա նույնօես 4 միլիոն եվրո կվաստակի։
Մխիթարյանի պայմանագիրը կերկարաձգվի և մեկ տարով՝ մինչեւ 2025 թվականը և ևս մեկ տարով երկարաձգելու հնարավորություն կլինի։