Միացյալ Նահանգները դադարեցնում է 95 միլիոն դոլար կազմող օգնությունը Վրաստանի կառավարությանը, ասված է պետքարտուղար Էնթոնի Բլինքենի հայտարարության մեջ։
Պետքարտուղարն ընդգծել է, որ հակաժողովրդավարական գործողությունները և «վրաց իշխանությունների կեղծ հայտարարություններն անհամատեղելի են Եվրամիությանը և ՆԱՏՕ-ին անդամակցության նորմերին»։
Բլինքենը միաժամանակ տեղեկացրել է, որ չնայած դադարեցնում են օգնությունը Վրաստանի կառավարությանը այս գործողությունների պատճառով, սակայն Նահանգները կշարունակի օգնություն տրամադրել ծրագրերին և գործողություններին, որոնք օգուտ են բերում վրաց ժողովրդին, անկախ լրատվամիջոցների և տնտեսական զարգացմանը։
Պետքարտուղարն ընդգծել է, որ երկու պետությունների միջև 32 տարվա գործընկերության ընթացքում ամերիկացի ժողովուրդը ավելի քան 6,2 միլիարդ դոլարի օգնություն է տրամադրել Վրաստանին՝ «օգնելու զարգացնել և ամրապնդել տնտեսությունը և ժողովրդավարական ինստիտուտները»:
