Քիմ Քարդաշյանը նշել է իր Skims ապրանքանիշի հինգերորդ տարեդարձը, որը նա հիմնել է ձեռնարկատերեր Ջենսի և Էմմա Գրեդի հետ։ Այս հինգ տարում 4 միլիարդ դոլարի հաջողության հասնելուց հետո Քիմ Քարդաշյանը և ընկերությունը նշելու առիթ հաստատ ունեն:
«Ինչպւսի ճանապարհորդություն։ Նշում ենք @SKIMS-ի 5-ամյակը և կիսում մեր ապրանքանիշի պատմությունն այս ամսվա Financial Times HTSI-ում», – գրել է նա Instagram-ում: «Ես անում եմ վիզուալ էֆեկտները, բոլոր գաղափարները, գործվածքները, կտրվածքները», – բացատրել է Քիմը, և հավելել. «Ես ապրանքանիշի դեմքն եմ»:
Որպես ապրանքանիշի դեմք՝ Քիմն իր հագուստների շարքը վերածել է համաշխարհային հսկայական կայսրության:
Թեև բրենդն իր գործունեությունը սկսել է որպես առցանց բիզնես, այս հինգ տարիների ընթացքում այն վերածվել է հագուստի ամբողջական ընկերության: Իր առաջին տարում ավելի քան երեք միլիոն ապրանք վաճառելով՝ Skims-ի սկզբնական գործարկումը ստեղծել է ավելի քան 2 միլիոն դոլար շահույթ, և ընկերությունը 10 րոպեում վաճառել է իր ողջ գույքը:
Ավելի աստղային վաճառքներից և հետագա ներդրումներից հետո Skims-ը 2022 թվականի հունվարին ունեցել է 3,2 միլիարդ դոլարի գնահատում: Ընդամենը երկու ամիս անց՝ մարտին, ապրանքանիշը ճանաչվել է Time-ի՝ 2022 թվականի 100 ամենաազդեցիկ ընկերություններից մեկը։
Այս հինգ տարիների ընթացքում ռեալիթի շոուի աստղը, որը դարձել է ձեռներեց, օգտագործել է իր սեփական կերպարը որպես գովազդի և մարքեթինգի մաս՝ հաշվի առնելով, որ նա աշխարհի ամենահայտնի և ճանաչելի մարդկանցից մեկն է: Skims-ի հաջողությունն ու ժողովրդականությունը կարելի է մասամբ վերագրել ընդլայնվելու դրա պատրաստակամությանը, նախ՝ նորովի հայտնագործելով, թե ինչպիսի տեսք կունենան 2020-ականներին հագուստը, ինչպես նաև տարբեր համագործակցություններն ու հայտնի մարդկանց հավանությունները:
ԽՈՐՀՈւՐԴ Է ՏՐՎՈւՄ ԿԱՐԴԱԼ
