Hyundai-ն ներկայացրել է նոր RN24-ը՝ «մերկ» լաբորատորիա, որն օգտագործում է ավտոսպորտից ոգեշնչված տեխնոլոգիա՝ պատկերացնելու բարձր արդյունավետությամբ էլեկտրական մեքենաների «մոտ ապագան», հայտնում է Autocar-ը։
Հիմնվելով E-GMP հարթակի վրա՝ որպես Ioniq 5 N, բայց 340 մմ-ով ավելի կարճ՝ շնորհիվ վերափոխված մարտկոցի, կոնցեպտը միավորում է 641 ձիաուժ հզորությունը WRC-ից ոգեշնչված թեթև շասսիի հետ: Դա արվել է որպես «ամենահզոր էլեկտրական մեքենայի ուժային համակարգը հնարավորինս փոքր փաթեթում փաթեթավորելու» նպատակի մի մաս:
Այս համակարգը, բաց էկզոկմախքի ոճով վանդակի հետ միասին, թույլ է տալիս մեքենային կշռել 1880 կգ, ինչը 355 կգ-ով ավելի թեթև է, քան Ioniq 5 N-ը: Արագությունը սահմանափակվում է 149 մղոն/ժամով (239,7 կմ/ժ – խմբ.):
Նոր մոդելն իր էներգիան ստանում է 84 կՎտժ մարտկոցից, որը նույն չափի է, ինչ Ioniq 5 N-ում: Hyundai-ն ուժեղացրել է մարտկոցի և շարժիչի սառեցումը:
Hyundai-ն նաև համալրել է RN24-ը հաջորդ սերնդի WRC-ից ստացված ծրագրային համակարգով, ինչպես նաև ավելի մեծ հետևի թևով և ավելի արագ ղեկով, որպեսզի առավելագույնի հասցնի արագաշարժությունն ու կառավարումը «ռալի ավտոմեքենայի մակարդակի արձագանքման համար»:
ԽՈՐՀՈւՐԴ Է ՏՐՎՈւՄ ԿԱՐԴԱԼ
