Բարեգործական աճուրդում վաճառվել է Ջորջ Մայքլի արվեստի գործերի հավաքածուն

Երգիչ Ջորջ Մայքլի հավաքած ժամանակակից արվեստի գործերի հավաքածուն Լոնդոնի բարեգործական աճուրդում 12 մլն դոլարով վաճառել են։ Այս մասին ասվում է Christie’s աճուրդի տան կայքում։

Ինչպես հայտնում է աղբյուրը՝ Մայքլի հավաքածուն 90 տոկոսով բաղկացած է 1980-ականների, 1990-ականների և 2000-ականների երիտասարդ բրիտանացի նկարիչների գործերից։

Վաճառքից ստացված միջոցները կուղղվեն բարեգործության։

Christie’s-ում հայտնել են, որ գլխավոր լոտ է դարձել նկարիչ Դեմիան Հերսթի «կիսատ ճշմարտություն» գործը։