Աֆղանստանի մայրաքաղաք Քաբուլի կենտրոնական շրջաններից մեկում կիրակի պայթյուն է որոտացել, ինչի հետևանքով առնվազն մեկ մարդ է մահացել: Այս մասին հաղորդում է TACC գործակալությունը՝ հղում անելով տեղի իր աղբյուրին։
Աֆղանստանի ՆԳՆ պաշտոնական ներկայացուցչի խոսքով՝ պայթել է ՄԱԿ-ի ստորաբաժանումներից մեկին պատկանող մեքենան: Պաշտոնյայի տվյալներով՝ մահացածն արտասահմանցի է:
Պայթյունի հետևանքով 5 մարդ վիրավորվել է: Նրանց տեղափոխել են տեղի հիվանդանոցներից մեկը: Կատարվածի պատասխանատվությունը դեռևս ոչ մի ծայրահեղական խմբավորում չի ստանձնել: