Ռուսաստանի հետագա ներխուժումը Ուկրաինա աղետ է մեր մայրցամաքի համար․ Բորիս Ջոնսոն

Մեծ Բրիտանիայի վարչապետ Բորիս Ջոնսոնը խոսել է Ուկրաինայում իրականացվող Ռուսաստանի ռազմական գործողությունների մասին։

Նա գրառում է կատարել Twitter-ի իր էջում։

Ջոնսոնը գրել է, որ Ռուսաստանի հետագա ներխուժումը Ուկրաինա իսկական աղետ է Եվրոպական մայրցամաքի համար։

Նա կոչ է արել ՆԱՏՕ-ի բոլոր ղեկավարներին շտապ հանդիպել, ինչպես նաև նշել է, որ կխոսի G7-ի մյուս առաջնորդների հետ։

Մեծ Բրիտանիայի վարչապետն ասել է նաև, որ այսօր դիմելու է ազգին։