Ահազանգից հետո փրկարարները շտապել են օգնության

Մայիսի 25-ին, ժամը 09:49-ին «911» ծառայությանն ահազանգ է ստացվել, որ Երևան քաղաքում Թոթովենցի փողոցի թիվ 6/2 շենքի բնակարաններից մեկի վատառողջ բնակչին իջեցնելու և շտապօգնության ավտոմեքենային մոտեցնելու համար անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Փրկարարները Ս.Հ.-ին (ծնված 1939 թ.) ցուցաբերել են համապատասխան օգնություն:

Այս մասին տեղեկանում ենք ՀՀ ԱԻՆ պաշտոնական կայքից։