Ալվարեսը կարող է տեղափոխվել Լա լիգա

«Մանչեսթեր Սիթիի» հարձակվող Խուլիան Ալվարեսը կարող է լքել Անգլիան և տեղափոխվել Իսպանիա։

Ինչպես տեղեկացնում է Marca թերթը, արգենտինացի ֆուտբոլիստի ծառայություններով հետաքրքրված է Մադրիդի «Ատլետիկոն»:

Մադրիդում արգենտինացուն դիտարկում են որպես 33-ամյա ֆրանսիացի հարձակվող Անտուան ​​Գրիզմանի փոխարինող։

Հարձակվողի տրանսֆերային արժեքը, ըստ Transfermarkt-ի, կազմում է 90 միլիոն եվրո։ Նրա պայմանագիրը «Մանչեսթեր Սիթիի» հետ նախատեսված է մինչև 2028 թվականի ամառ։