2025-ի դեկտեմբերի նախաշեմին Բրուքլին Բեքհեմի և նրա ընտանիքի միջև լարվածությունը հասավ նոր մակարդակի։ Հաղորդվում է, որ Բեքհեմների ավագ որդին՝ Բրուքլինը, «Ինստագրամում» արգելափակել է ծնողներին՝ Դևիդին և Վիկտորիային, ինչպես նաև եղբորը՝ Կրուզին։ Սա ընտանեկան խզման ամենավառ ազդանշանն է, որը, ըստ աղբյուրների, խորացել է հատկապես վերջին տարիներին։
Ընտանեկան տարաձայնությունները սկսվել են դեռ Բրուքլինի և Նիկոլա Պելցի հարսանիքի կազմակերպման ժամանակ՝ 2022-ին։ Աղբյուրները նշում են, որ այդ շրջանում Պելցի ընտանիքը դժգոհ էր, որ Բեքհեմները ֆինանսապես չեն աջակցել զույգի շքեղ կյանքի ձևավորմանը։ Հետագայում լարվածությունը մեծացել է՝ արտացոլվելով ընտանեկան միջոցառումներից Բրուքլինի և Նիկոլայի բացակայությամբ, ինչպես նաև սոցիալական մեդիայի հրապարակային քայլերով։
Այս տարի Բրուքլինը և Նիկոլան Սուրբ Ծնունդը նշելու են Մայամիում՝ Պելց ընտանիքի հետ, մինչդեռ Դևիդն ու Վիկտորիան հավաքվելու են իրենց ընտանիքի մյուս անդամների հետ՝ Կոտսվոլդսում։ Ընտանեկան խզումը հատկապես ծանր է տատիկների՝ Ջեքիի և Սանդրայի համար, որոնք շարունակում են հուսալ, որ տոնական օրերը գուցե վերամիավորեն Բրուքլինին ընտանիքի հետ։ Վիկտորիայի կողմից հրապարակված տոնական լուսանկարն ու Բրուքլինի համար նախատեսված գուլպան խորհրդանշում են այդ հույսը՝ հակառակ ընտանեկան լարվածության։