Բուլղարիայի առաջնության 7-րդ տուրում «Արդա»-«Չեռնո Մորե» խաղն ավարտվել է ոչ-ոքի՝ 0-0 հաշվով: Հանդիպումը կայացել է Պլովդիվի «Լոկոմոտիվ» մարզադաշտում։
Հայաստանի հավաքականի կիսապաշտպան Ռումյան Հովսեփյանը «Արդայի» մեկնարկային կազմում էր: Խաղի մեկնարկային րոպեներին հանդիպման գլխավոր մրցավար Նիկոլայ Յորդանովը դեղին քարտ ցույց տվեց հայ ֆուտբոլիստին:
37-րդ րոպեին Հովսեփյանը պատժվեց երկրորդ դեղին քարտով ու հեռացվեց խաղադաշտից: «Արդայի» դարպասին 11-մետրանոց հարված նշանակվեց, սակայն դարպասապահը կարողացավ փրկել իր թիմին Ժորժինյոյի հարվածից հետո:
Այս ոչ-ոքիից հետո «Արդան» 9 միավոր ունի ակտիվում և մրցաշարային աղյուսակի 7-րդ տեղում է: