Ամանդա Սեյֆրիդը շարունակում է մնալ Հոլիվուդի ամենաանկեղծ և բնական դերասանուհիներից մեկը՝ իր կարիերայի ընթացքում երբեք չհեռանալով սեփական սկզբունքներից։ Նրա վերջին դերերը՝ «Անն Լիի կտակ»-ում և «Տան սպասուհին»-ում, նրան նորից բերեցին Օսկարական քննարկումների կենտրոն։ Սեյֆրիդն այս ֆիլմերի համար պատրաստ էր լուրջ զոհողությունների՝ հրաժարվելով նույնիսկ կոսմետիկ միջամտություններից ու դիմահարդարումից, իսկ նրա խաղը արժանացավ երկարատև ծափահարությունների և բարձր գնահատականի։
Դերասանուհին անկեղծորեն խոսում է մաշկի խնդիրների ու տարիքի հետ կապված փոփոխությունների մասին՝ չթաքցնելով իր պայքարը էկզեմայի դեմ և հանրության հետ կիսելով իր բուժման փորձը։ Նա պնդում է, որ երբեք չի դիմի պլաստիկ վիրաբուժության, բացառությամբ այն, որ բժշկի խորհրդով տարիներ շարունակ օգտագործելու է բոտոքս՝ ճակատի մեկ հատվածում։
Չնայած հանրային ուշադրությանը, Սեյֆրիդը նախընտրում է մնալ ընտանիքի և ընկերների շրջապատում, զբաղվել իր գյուղատնտեսական գործերով ու պահպանել պարզությունը։ Նրա անկեղծությունը, աշխատասիրությունն ու մարդկանց հետ անմիջական հարաբերությունները նրան դարձնում են օրինակելի ոչ միայն որպես դերասանուհի, այլև որպես մարդ։