Երեկ՝ սեպտեմբերի 21-ին, ԱՄՆ-ում ՀՀ դեսպան Լիլիթ Մակունցը հեռավար հանդիպում ունեցավ Կոնգրեսի House Democracy Partnership հանձնաժողովի նախագահ կոնգրեսական Դեյվիդ Փրայսի հետ։
Այս մասին տեղեկանում ենք ՀՀ դեսպանության Facebook-ի պաշտոնական էջից։
- ԱՄՆ նախագահի ուղերձը՝ Հայաստանի անկախության 30-ամյակի առթիվ
- Ուզում եմ առանձնահատուկ նշել հայ ժողովրդի ուժը․ ԱՄՆ դեսպանը շնորհավորել է Անկախության տոնը
«Դեսպանն իր երախտագիտությունը հայտնեց կոնգրեսականին` ՀՀ Ազգային ժողովի և ԱՄՆ Կոնգրեսի միջև համագործակցության ընդլայնման և խորացմանն ուղղված ջանքերի համար:
Դեսպանը ներկայացրեց Հայաստանի կառավարության կողմից իրականացվող ժողովրդավարական բարեփոխումների օրակարգը և այդ առումով կարևորեց Միացյալ Նահանգների կողմից ցուցաբերվող աջակցությունը:
Դեսպան Մակունցը մանրամասն ներկայացրեց Արցախի շուրջ ստեղծված իրավիճակը և 44-օրյա պատերազմին հետևած հումանիտար ճգնաժամը: Զրուցակիցները կարևորեցին ԵԱՀԿ Մինսկի խմբի համանախագահության հովանու ներքո ղարաբաղյան հակամարտության խաղաղ կարգավորման անհրաժեշտությունը», – ասված է գրառումում:
ԽՈՐՀՈւՐԴ Է ՏՐՎՈւՄ ԿԱՐԴԱԼ
