CNN-ի հետ հարցազրույցում ԱՄՆ պետքարտուղար Մայք Պոմպեոն հայտարարել է, որ ԱՄՆ-ն պնդում է, որ Վենեսուելայի նախագահ Նիկոլաս Մադուրոն պետք է լքի հանրապետության տարածքը:
Հարցերից մեկին, թե այս պահին ինչ ուղերձ կհղի Մադուրոյին, Պոմպեոն պատասխանել է. «Ինքնաթիռ վերցրեք»։
«Նրանք, ովքեր պատրաստ են աջակցել ժողովրդավարությանն ու ազատությանը, պետք է լավ պատրաստվեն՝ դառնալու անցումային գործընթացի մաս և սկսելու փոխգործակել տարածաշրջանի բոլոր երկրների հետ»,-ասել է Պոմպեոն՝ նշելով, որ ԱՄՆ իշխանությունները տեղեկություն ունեն, որ ապրիլի 30-ի առավոտյան Մադուրոն պատրաստվում էր փախչել Կուբա, սակայն նրա միտքը փոխել է Ռուսաստանը։
ԱՄՆ նախագահ Դոնալդ Թրամփն իր հերթին իր թվիթերյան էջում հայտարարել է, որ Վաշինգտոնն աջակցում է Վենեսուելայի ժողովրդին և նրա ազատությանը։
I am monitoring the situation in Venezuela very closely. The United States stands with the People of Venezuela and their Freedom!
— Donald J. Trump (@realDonaldTrump) April 30, 2019
