Ամերիկայի Միացյալ Նահանգների Փենսիլվանիա նահանգում զանգվածային ավտովթար է տեղի ունեցել, որի հետևանքով կան զոհեր ու վիրավորներ։
Այս մասին հայտնում է Associated Press գործակալությունը։
Նշվում է, որ վթարի տեղի է ունեցել նահանգի հյուսիս-արևելքում գտնվող մայրուղիներից մեկի վրա․ միմյանց են բախվել մոտ 40 մեքենաներ, այդ թվում՝ բեռնատարներ։
Ըստ աղբյուրի՝ նման զանգվածային վթարի պատճառ են դարձել առատ տեղումներն ու խիստ ցածր տեսանելիությունը։
AP-ի տեղեկություններով՝ վթարի հետևանքով կա առնվազն 3 զոհ և տասնյակ վիրավորներ։
Այս պահին փրկարարները աշխատում են տեղում, որոնց աշխատանքը բարդացնում են բռնկված հրդեհները։