The Hollywood Reporter ամսագրի հաղորդմամբ՝ ԱՄՆ-ում ոստիկանները ձերբակալել են հայտնի հեռուստատեսային ռեժիսոր և պրոդյուսեր Բարրի Քրեյնի ենթադրյալ սպանողին։
Սպանությունը տեղի է ունեցել 34 տարի առաջ՝ 1985 թվականի հուլիսի 5-ին: 57-ամյա ռեժիսորը խեղդամահ էր արվել Լոս Անջելեսի իր տանը։ Նրա մարմինը հայտնաբերել էին ավտոտնակում՝ սավանի մեջ փաթաթված վիճակում։
Ոստիկանությանը հաջողվել է հանցագործությունը բացահայտել ԴՆԹ-ի անալիզի, ինչպես նաև մատնահետքերի շնորհիվ, որոնք մնացել էին Քրեյնի ավտոտնակից հափշտակված ավտոմեքենայի վրա։
Պարզվել է, որ սպանողը Կարոլինա նահանգի բնակիչ Էդվին Հայաթն է, ով սպանության պահին եղել է 18 տարեկան։ Նա ձերբակալվել է մայիսի 9-ին։
ԽՈՐՀՈւՐԴ Է ՏՐՎՈւՄ ԿԱՐԴԱԼ
