ԱՄՆ-ն ողջունել է Հայաստանի ու Թուրքիայի կողմից հատուկ ներկայացուցիչներ նշանակելը՝ հարաբերությունների կարգավորման համար

Ինչպես արդեն տեղեկացրել ենք, Թուրքիայի ԱԳՆ ու Հայաստանի ԱԳՆ-ն հատուկ ներկայացուցիչներ են նշանակել՝ հարաբերությունների կարգավորման գործընթացը քննարկելու համար։

Այս հարցին անդրադարձել է նաև ԱՄՆ պետքարտուղար Էնթոնի Բլինքենը։

Վերջինս հայտնել է, որ Միացյալ Նահանգները ողջունում ու վճռականորեն աջակցում է ՀՀ ԱԳՆ-ի ու Թուրքիայի արտգործնախարար Մևլութ Չավուշօղլուի հայտարարությունները՝ կապված հատուկ ներկայացուցիչներ նշանակելու հետ։