Ֆուտբոլի Եվրոպայի առաջնության եզրափակիչ մրցաշարի խմբային փուլի առաջին տուրում Անգլիայի հավաքականը Լոնդոնի «Ուեմբլի» ստադիոնում ընդունեց աշխարհի փոխչեմպիոն Խորվաթիայի հավաքականին։
Գարեթ Սաութգեյթի գլխավորած թիմն առավելության հասավ նվազագույն հաշվով։ Անգլիացիների միակ գոլը 57-րդ րոպեին խփեց Պրեմիեր լիգայի չեմպիոն «Մանչեսթեր Սիթիի» հարձակվող Ռահիմ Ստերլինգը։ Գոլային փոխանցումը կատարեց «Լիդսի» կիսապաշտպան Կալվին Ֆիլիպսը։ Անգլիացիները դարպասին կատարեցին 2 հարված, խորվաթները՝ 1։
Հավելենք, որ Եվրո-2020-ի խմբային փուլի առաջին տուրի Անգլիա – Խորվաթիա հանդիպման լավագույն ֆուտբոլիստ է ճանաչվել անգլիացի հարձակվող Ռահիմ Ստերլինգը։
