Անգլիայի ֆուտբոլային ասոցիացիան (FA) Անգլիայի Գավաթի խաղարկությունը դադարեցրել էր կորոնավիրուսի պանդեմիայի պատճառով։ Որոշում է կայացվել, որ 1/4 եզրափակչի հանդիպումները տեղի են ունենալու հունիսի 27-ին և 28-ին: Կիսաեզրափակիչները նախատեսված են հուլիսի 11-ին և 12-ին: Եզրափակիչը պետք է կայանա օգոստոսի 1-ին:
Անգլիայի Գավաթի խաղարկության քառորդ եզրափակչի շրջանակում կկայանան հետևյալ հանդիպումները՝
«Լեսթեր Սիթի»-«Չելսի»
«Նյուքասլ»-«Մանչեսթեր Սիթի»
«Շեֆիլդ Յունայթեդ»-«Արսենալ»
«Նորվիչ Սիթի»-«Մանչեսթեր Յունայթեդ»
Անգլիական Պրեմիեր-լիգան երեկ հայտարարեց, որ ընթացիկ առաջնությունը վերսկսվելու է հունիսի 17-ին: