Գաղտնի գործողության ընթացքում Անկարան գերմանական 42 Leopard-2A4 տանկ է տեղափոխել Թուրքիայի կողմից օկուպացված Կիպրոսի հյուսիսային հատված՝ Կիտրա: Այս մասին հայտնում է հունական To BHMA պորտալը:
Աղբյուրի տեղեկացմամբ՝ տանկերը ռազմամթերքի հետ միասին տեղափոխվել են թուրքական Էդիրնե քաղաքից տրանսպորտային նավով: Տանկերը պատկանում են Էվրոսում Թուրքիայի Առաջին բանակին, որտեղ են պահվում թուրքական բանակի բոլոր տանկերը (գերմանական Leopard 2A4 և իսրայելական M-60T Sabra), ինչպես նաև արդիականացված Leopard-1T տանկերը՝ 105-մմ արկերով:
Այս փոխադրումը խախտում է ԱՄՆ, Գերմանիայի արգելքները: Ե՛վ ԱՄՆ Կոնգրեսը, ե՛ւ գերմանիայի կառավարությունն արգելել են իրենց ստեղծած սպառազինության փոխանցումը Կիպրոս:
Անկարան անտեսում է այս որոշումները և առավել հաճախ է օգտագործում սպառազինության ամերիկյան համակարգերը (տանկեր, հրթիռներ, թնդանոթներ և անձնական ռազմական տեխնիկա):
Օկուպացիոն ուժերի կողմից Leopard-2A4-ի փոխադրումը, ակնհայտորեն, աննկատ չի մնացել Կիպրոսի կառավարության համար, քանի որ խոսքը եվրոպական արտադրության սպառազինության մասին է: