ՀՀ վարչապետ Նիկոլ Փաշինյանը Facebook-ի իր էջում գրել է.
«2019 թվականի հուլիսին 2018 թվականի հուլիսի համեմատ Հայաստանում անշարժ գույքի գործարքները աճել են 17.1 տոկոսով, 2019 թվականի հուլիսին՝ 2019 թվականի հունիսի համեմատ 10.3 տոկոսով:
Ամենաուրախալին այն է, որ 2019 թվականի հուլիսին 2018 թվականի հուլիսի նկատմամբ արտադրական նշանակության անշարժ գույքի գործարքները աճել են 11.7 տոկոսով, 2019 թվականի հուլիսին՝ հունիսի համեմատությամբ՝ 3.1 տոկոսով:
Շատ ավելի ուրախալի է, որ գործարքների աճը գրանցվել է մարզերի և ոչ թե մայրաքաղաք Երևանի հաշվին:
Ի դեպ, նախկինում, երբ անշարժ գույքի գործարքների աճի մասին գրառումներ եմ արել, շատ ակտիվ են եղել այն օգտատերերը, որոնք նշում են, թե մարդիկ տները վաճառում են և հեռանում:
Հարգելիներս, Ձեր ասած իրավիճակում անշարժ գույքի գները և գործարքները ոչ թե աճում են, այլ նվազում, որովհետև վաճառողները շատ են լինում, իսկ գնողները քիչ, և մարդիկ նույնիսկ մեծ ցանկություն ունենալով՝ տարիներով չեն կարողանում վաճառել իրենց բնակարանը: Մոտավորապես նման իրավիճակ գոյություն ուներ 2018 թվականի հեղափոխությունը:
Հիմա՝ հակառակ պրոցեսն է. գնողները շատ են, վաճառողները քիչ: Ընդ որում, ի՞նչ պատճառներով մարդը կարող է իր տունը վաճառել՝ բացի ամենահոռետեսական տարբերակներից:
Օրինակ՝ կարող է վաճառել ավելի լավ տուն գնելու համար: Կարող է իր լավ տունը ավելի վատ տնով փոխարինել՝ գոյացած շահույթով ներդրում անելու համար և այսպես շարունակ:
Էլ չեմ ասում՝ զրոյից բնակարան ձեռքբերելու տարբերակը և ըստ էության գործարքների մի հիմնական մասը հենց այսպիսին է: Եվ այն, որ մեր երկրում հիպոտեկային վարկերը աննախադեպ աճ են ունեցել, սրա ամենացցուն վկայությունն է:
2019 հունիսին 2018-ի հունիսի նկատմամբ հիպոտեկային վարկերի ծավալն աճել է 174 տոկոսով, իսկ 2019-ի առաջին կիսամյակում 2018-ի առաջին կիսամյակի նկատմամբ՝ 120 տոկոսով»:
https://www.facebook.com/nikol.pashinyan/posts/2384582081862173?__xts__[0]=68.ARBiVK9Z44LvO5s4nTrXrlIZug8rYjOFJmefPwGsSEzbUsL8fxbNdhTh6sN9UdpDbC1I14hfKeQMiebNgKz67n3aTcA7sH-iq1LzAsEQmZ_9K4PXtn8USgIFYKRXRNnHeaRX4h2tsRw4P9h6nwYtOiG5EjN5dW75qS8NLNVkmAUr1ULAswXai2Pv8674MKTWTm9VCV15hX3iyC4ZJ-yqyqdcjmp4Am8p4MkEvTQ51H-EvIy-xfvzpLEJqQUIj9VKm9v6tIWtPpCSJ1B6mHXA_dVlL4VurLoCyvbcfVBZ07nS8wX2Jique6aCxd0TjJdl0ZtZkDsT2rF7f7Jubp6FE8wn&__tn__=-R
ԽՈՐՀՈւՐԴ Է ՏՐՎՈւՄ ԿԱՐԴԱԼ
