Մայիսի 22-ին Երևանի ավագանու հերթական նիստին մասնակցում է 39 անդամ: Նիստի օրակարգի 14 հարցերից մեկը վերաբերում է Երևանի փողոցներն անվանափոխելուն և հուշատախտակներ տեղադրելուն:
Մինչ օրակարգին անցնելը, «Լուսավոր Հայաստան» խմբակցության անդամ Դավիթ Խաժակյանը մտահոգություն հայտնեց Արամի 23 հասցեի պատմամշակութային հուշաձանի վերականգնման աշխատանքների դանդաղման վերաբերյալ: Քաղաքապետ Հայկ Մարությանը նշեց, որ անում են հնարավոր ամեն ինչ հուշարձանը փրկելու համար: