Apple ընկերությունը մշակում է Apple Watch SE-ի նոր և էժան տարբերակը՝ պլաստիկե պատյանով, այս մասին հայտնում է Bloomberg-ի լրագրող Մարկ Գուրմանը։
Նրա տվյալներով՝ Apple Watch SE-ում անոդացված ալյումինի փոխարեն կօգտագործվի պլաստիկե պատյան։ Նա ենթադրում է, որ դա կարող է լինել այն ուղիներից մեկը, որով Apple-ը նախատեսում է նվազեցնել Apple Watch SE-ի ինքնարժեքը:
Ներկայիս Apple Watch SE-ն վաճառվում է 250 դոլարով, սակայն Samsung-ի ամենաէժան մրցակից ժամացույցը՝ Galaxy Watch FE-ն, արժե 200 դոլար:
Apple-ը, ինչպես հայտնի է, պլաստիկե կորպուսով iPhone 5C-ը թողարկել է 2013-ին, որը, ըստ էության, iPhone 5-ի վերափոխված տարբերակն էր: Պոլիկարբոնատային կորպուսը հասանելի էր տարբեր վառ գույների տարբերակներով:
Քննադատները պնդում էին, որ պլաստիկե կորպուսը մի քայլ հետ էր նախորդ մոդելների շքեղ մետաղական կորպուսից, և որոշ սպառողներ կարծում էին, որ գինը դեռևս չափազանց բարձր է սարքի համար, որը ընկալվում էր որպես ցածրորակ արտադրանք:
ԽՈՐՀՈւՐԴ Է ՏՐՎՈւՄ ԿԱՐԴԱԼ
