Առաջիկա 10 օրերի ընթացքում Իրանը կմեծացնի հարստացված ուրանի պաշարները՝ գերազանցելով 300 կգ-ը: Իսկ առաջիկա 2 ու կես ամսվա ընթացքում Իրանի ծանր ջրի պաշարները կգերազանցեն 130 տոննան: Այս մասին հայտարարել է Իրանի ատոմային էներգիայի կազմակերպության խոսնակ Բեհրուզ Քամալվանդին:
Վերջինս նաև հայտնել է, որ Իրանը կարող է փոխել իր այս որոշումը, եթե համաձայնագրի մյուս կողմերը կատարեն իրենց պարտավորությունները:
Հիշեցնենք, որ Վաշինգտոնը պայմանագրից դուրս է եկել անցյալ տարվա մայիսին և վերականգնել է Իրանի դեմ պատժամիջոցները: