Ուկրաինայի հարցով Ռուսաստանի հետ երկխոսության ժամանակը դեռ չի եկել՝ հայտարարել է Ֆրանսիայի նախագահ Էմանյուել Մակրոնը Մյունխենի ամենամյա համաժողովում:
«Մենք պետք է ուժ և խիզախություն ունենանք երկխոսությունը վերականգնելու և կայուն որոշում գտնելու համար: Բայց հասկանալի է, որ հիմա այդ երկխոսության ժամանակը չէ»,- ասել է Մակրոնը:
Ֆրանսիայի նախագահի խոսքով՝ չի լինի կայուն և լիարժեք խաղաղություն առանց Ռուսաստանի գործոնը հաշվի առնելու: Մակրոնը նշել է նաև, որ չի հավատում Ռուսաստանում իշխանափոխության հնարավորությանը:
