Հայաստանի Բարձրագույն խմբի առաջնության 21-րդ տուրում «Փյունիկը» սեփական հարկի տակ ընդունել էր «Արարատ-Արմենիային» և պարտվեց 0-3 հաշվով:
Հանդիպման հաշիվը 13-րդ րոպեին անկյունայինի խաղարկումից հետո բացեց Գեորգի Պաշովը:
27-րդ րոպեին «Փյունիկի» նախկին ֆուտբոլիստ Պետրոս Ավետիսյանը հիանալի շրջանցեց մրցակցի ֆուտբոլիստին ու հարվածեց դեպի դարպասը:
Գնդակը ցանցում հայտնվեց Ջիովանի Մարտինեսի հպումից հետո:
«Արարատ-Արմենիայի» կազմում 65-րդ րոպեին Անտոն Կոբիալկոն հաշիվը դարձրեց խոշոր՝ 3-0:
Այս հաղթանակից հետո Վարդան Մինասյանի թիմը հավաքեց 32 միավոր և մրցաշարային աղյուսակում բարձրացավ 2-րդ հորիզոնական: «Փյունիկը» 30 միավորով նահանջեց 4-րդ հորիզոնական:
Հաղորդում է armsport.am-ը։