Արցախում գրանցվել է կորոնավիրուսի նոր դեպք․ վարակակիրը բուժանձնակազմից է

ԱՀ առողջապահության նախարարությունից ստացված տեղեկատվության համաձայն՝ Ստեփանակերտում կորոնավիրուսային վարակի ևս մեկ նոր դեպք է հաստատվել: Վարակակիրը բուժանձնակազմից է, նախկինում հաստատված օջախի կոնտակտավոր:

Նշվում է, որ միևնույն ժամանակ, կորոնավիրուսով հիվանդ մեկ քաղաքացի առողջացել է կորոնավիրուսից:

Ընդհանուր առմամբ, հաստատված դեպքերի քանակը 142 է: Այս պահին մեկուսացված է 78, հիվանդությունը փաստացի հաղթահարում է 29 քաղաքացի:

Ըստ աղբյուրի՝ հք․իվանդներից մեկի առողջական վիճակը գնահատվում է ծանր, ևս մեկ հիվանդի վիճակ՝ միջին ծանրության: COVID-19 ախտորոշմամբ մյուս վարակակիրների առողջական վիճակը բավարար է:

Ընդհանուր առմամբ կատարվել է 2468 թեստավորում:

https://www.facebook.com/ArtsakhInformation/posts/161214335519355?__cft__[0]=AZW7duys6LZTl5B2E_ZrDVKiEM1f07ajP05n5gKIzCOBrdAJknAerIhuAHdDkaz2EA9TIR33vRPjGrYJ99Dtujo-0BIEpjeX5aDT9paRncoyEpeVwsPzMZomMHTeRjwZUkLaeYJN4NNzcCYsnhbtHpl_DFF8RI_612dHj6nmmM8SrA&__tn__=%2CO%2CP-R