Facebook-ի ուղիղ եթերում Արցախի Հանրապետության նախագահի թեկնածու Արայիկ Հարությունյանը հայտարարել է․
«Պարենային անվտանգության մասին անհոգ եղեք, սննդի խնդիր Արցախում չկա»:
Արայիկ Հարությունյանը նշել է, որ քաղաքացիների շրջանում կա ալկոգելի մասով մտահոգություն, դեղատներում դեֆիցիտ կա: Սակայն, ուզում եմ ասել, որ Արցախում արտադրվում է ալկոգել: Ասկերանի և Ստեփանակերտի գինու գործարաններում կա համապատասխան հումքը և ինչքան պետք է՝ կարտադրվի:
Նա վստահեցրել է, որ ինքան պետք է ալկոգել կարտադրվի: Այն կբավարարի է ոչ միայն Արցախի բնակչությանը, այլև կապահովի Բանակի համար անհրաժեշտ պաշարները: Ինչպես նաև արտադրվումեն նաև դիմակներ:
Արայիկ Հարությունյանն անդրադարձել է նաև Մարտունու միջադեպին․
«Դրսի, թե այլ ուժեր ծրագրավորված քաղաքականություն են իրականացնում իմ անձի դեմ, ամիսներ շարունակ խոսում են, որ չեն թողնելու, որ ես առաջադրվեմ, ասում, թե մինչև ամսի 21-ը հրաժարվելու եմ հետագա պայքարից: Նույն ուժերը վիրավորելով իմ անձը, ակնկալելով որ իմ համախոհները գնալու են ընդհարումների, ստեղծում են նման իրավիճակ: Չի ստացվելու, որովհետև մենք կողմնակից ենք համերաշխության: Բոլորին համերաշխության կոչ եմ անում: Բայց այն ուժերը, որ փորձում են պառակտել՝ դավադիր ուժեր են, և չենք թողնելու: Վերջում ասեմ, որ ժողովուրդը հաղթելու է, ժողովրդի քվեն ոչ ոք չի կարողանալու գողանալ»։
Հիշեցնեմ, որ այսօր Artsakh1.am ֆեյսբուքյան էջը տեսանյութ էր հրապարակել, որտեղ երևում է, թե ինչպես է Արցախի Մարտունու քաղաքապետը ճանապարհը փակում և խոչընդոտում Արցախի հեղափոխական կուսակցության ներկայացուցիչների մուտքը Մարտունի` պատճառաբանելով, որ նախագահի թեկնածու Արայիկ Հարութունյանն իր ընկերն է ու թույլ չի տալու նրա դեմ խոսել։ Միջադեպին անդրադարձել է Արցախի օմբուդսմեն Արտակ Բեգլարյանը:
https://www.facebook.com/ArayikHarutyunian/videos/1493524857473786/
Կորոնավիրուսի տարածման վիճակագրությանը իրական ժամանակում կարող եք հետևել այս էջում՝ azat.tv/coronavirus։