Կորոնավիրուսի «Դելտա» կոչվող շտամը, որը ամենավտանգավորն է համարվում, դարձել է նաև գերակայող քովիդի շտամերի մեջ։
Աշխարհի 185 պետություններում գրանցված այս շտամը հայտնաբերվել է կորոնավիրուսով հիվանդացածներից վերցված նմուշների 99 տոկոսի մոտ։
Այս մասին հայտնել է Առողջապահության համաշխարհային կազմակերպության առաջատար մասնագետներից մեկը։
Նա նշել է, որ մնացած շտամերին բաժին է ընկնում ընդամենը մեկ տոկոսը։
Նրա խոսքով՝ «Դելտա» շտամն ավելի վարակիչ է դարձել ու դուրս է մղում մնացած բոլոր շտամերն ու վարակները։
Հիշեցնենք, որ վարակի տվյալ ձևն առաջին անգամ հայտնաբերվել էր Հնդկաստանում։
