Արսեն Թորոսյանը կոչ է անում չպլանավորել գործուղումներ ՀՀ-ից դուրս

ՀՀ Առողջապահության նախարար Արսեն Թորոսյանը Facebook-ում գրել է.

«Աշխարհում Նոր կորոնավիրուսով (COVID-19) պայմանավորված իրավիճակից ելնելով` կոչ ենք անում.

Խուսափել ճանապարհորդելուց հետևյալ երկրներ` Իտալիա, Ֆրանսիա, Գերմանիա, Իսպանիա, Ճապոնիա, Չինաստան, Իրան, Հարավային Կորեա:

Հայաստանից դուրս գործուղումներ պլանավորելիս` խուսափել տվյալ երկրներ մեկնելուց, ինչպես նաև գործուղումներ մեկնելիս անել դա միայն խիստ անհրաժեշտության դեպքում:

Նշված երկրներից վերադարձած քաղաքացիներին` 14 օր խուսափել շփումներից և ինքնամեկուսանալ:

Գործատուներին` ապահովել նշված երկրներից վերադարձած աշխատողների հեռահար աշխատանքը տնից:

Խուսափել Հայաստանում միջազգային միջոցառումներ կազմակերպելուց` նշված երկրներից ժամանած անձանց մասնակցությամբ:

‼️ Եթե վերջին 14 օրերին վերադարձել եք Հայաստան և ունեք ախտանշաններ` ջերմություն, հազ և դժվարացած շնչառություն, ապա զանգահարեք շուրջօրյա գործող «Օպերատիվ զանգերի կենտրոն»` 060 83 83 00 կամ ԱՆ «թեժ գիծ»` 8003 հեռախոսահամարներով:

Նաև հորդորում ենք.

Խուսափե’լ շնչառական վարակներով հիվանդների հետ շփումից, անհնարինության դեպքում` օգտագործե’լ անհատական պաշտպանիչ միջոցներ (դիմակներ),
Հաճախակի լվանալ ձեռքերը` առնվազն 20 վայրկյան տևողությամբ, հատկապես սնունդ ընդունելուց առաջ,
Գրիպանման երևույթների առկայության դեպքում, չզբաղվել ինքնաբուժմամբ, դիմե’լ բժշկի»,- գրել է նա:

Հավելենք, որ աշխարհում այժմ կորոնավիրուսով վարակված են՝ 114,512, բուժվել է՝ 64,273, և մահացել 4,027 մարդ։

https://www.facebook.com/ATorosyanOfficial/posts/1165236696995927?__xts__[0]=68.ARCaO7k6wVeifkdB4Z7L-W5Ca7umahFmXjPBth_bazP2t374ahwO4YfPcdF4x1K4ig17z83cSD-PpVPWk3lpZvtrzhmCZf3OYIhTJx3Qu_hqPe4HNtJgthnxRkEEL-53d29YA2OMqGOujeQQN0M8QlIMRZyMjtcqLByu76hl2rlUi6GwhnGzB6vUP_Gwz88b4iMlgb3Mcp8KoKOwOnwDGQMxZOI_jm0S8zFhaZjEZIE_2pic6-8dh_6Z-dqBI_apH8gd9-TJsgPG-Bd_6xHKIHiMQX3L7ZdyJu4mJs7hGEcBfE1OVeIKZPU1MAVQOrGiWCub0gM_Ri2fcN8A-IbbdQ&__tn__=-R