ՀՀ ԱԺ-ն հայտնել է, որ Հակոբ Արշակյանը և Բաբկեն Թունյանը հյուրընկալել են Հայաստանում Ամերիկայի առևտրի պալատի տնօրենների խորհրդի նախագահին
«Ազգային ժողովի նախագահի տեղակալ Հակոբ Արշակյանը և Տնտեսական հարցերի մշտական հանձնաժողովի նախագահի տեղակալ Բաբկեն Թունյանը դեկտեմբերի 24-ին հյուրընկալել են Հայաստանում Ամերիկայի առևտրի պալատի տնօրենների խորհրդի նախագահ Աշոտ Հովհաննեսյանին, երկրորդ տեղակալ Գագիկ Գյուլբուդաղյանին, խորհրդի անդամներին և պալատի ներկայացուցիչներին:
- ԱԺ-ում դեկտեմբերի 7-ին եղած միջադեպով ԱԱԾ-ում քրգործ է հարուցվել
- ԱԺ նախագահը ընդունել է Իրանի Մեջլիսի պատվիրակությանը
Հանդիպմանը հյուրերը ներկայացրել են ՀԱԱՊ-ի (AmCham) գործունեությունը և նախաձեռնությունները: Կարևորվել է բիզնես միջավայրի բարելավումը, անդրադարձ է եղել նաև հայրենադարձության խթանմանը նպաստող մեխանիզմների ներդրմանը:
Պայմանավորվածություն է ձեռք բերվել այդ օրակարգի շուրջ կազմակերպել աշխատանքային քննարկումներ»,- ասվում է հաղորդագրության մեջ: