Ղրղզստանի նախկին նախագահ Ալմազբեկ Աթամբաևը հրաժարվել է ներկայանալ դատարան, որտեղ քննվում է նրա դեմ հարուցված գործը: Այդ մասին լրագրողներին հայտնել է պետության նախկին ղեկավարի փաստաբան Սերգեյ Սլեսարյովը:
«Աթամբաևը որոշեց չներկայանալ Բիշքեկի Պերվոմայսկի շրջանի դատարանում նշանակված նախնական լսումներին»,-ասել է նա:
Նշենք, որ Պերվոմայսկի շրջանային դատարանի դիվանատանը, հոկտեմբերի 11-ին նախնական լսումներ են սկսվել 2013 թվականին բանտարկությունից քրեական հեղինակություն Ազիզ Բատուկաևի անօրինական ազատման քրեական գործի շուրջ:
Բացի Աթամբաևից՝ այդ գործով անցնում են ևս մի քանի նախկին բարձրաստիճան պաշտոնյաներ: Դատարանը Ղրղզստանի նախկին նախագահի ձերբակալման թույլտվություն է տվել առնվազն մինչև հոկտեմբերի 26-ը: Ներկայում Աթամբաևը գտնվում է Ղրղզստանի Ազգային անվտանգության պետական կոմիտեի հետաքննչական մեկուսարան:
ԽՈՐՀՈւՐԴ Է ՏՐՎՈւՄ ԿԱՐԴԱԼ
