Կալանավորված Վրաստանի նախկին նախագահ Միխեիլ Սաակաշվիլին բանտից դիմել է Բաթումիի ցույցի մասնակիցներին։
Սաակաշվիլիի նամակն ընթերցել է Բաթումի քաղաքի ղեկավարի ընդդիմադիր թեկնածու Գիորգի Կիրթաձեն։
Նախկին նախագահը նշել է, որ «հետդարձի ճանապարհը փակված է, հայրենիքի փրկությունն այլընտրանք չունի»։
Սաակաշվիլին համախմբման կոչ է արել ու նշել, որ Իվանիշվիլին պարտվել է և դրան ականատես են եղել ամբողջ Վրաստանն ու միջազգային դիտորդները։
Նա կոչ է արել պայքարը հասցնել ավարտին։