Հայրաքաղաք Գյումրիում ավարտին են մոտենում երկրորդային 8 փողոցների և Վարդանանց հրապարակի հիմնանորոգման աշխատանքները։
Այս մասին տեղեկանում ենք Շիրակի մարզպետարանի Facebook-ի էջից։
- Գյումրին նոր համայնքի ղեկավարի տեղակալներ ունի
- Կթարմացվի Գյումրիի ներքաղաքային տրանսպորտը․ ձեռք կբերվի 63 միկրոավտոբուս
«Շիրակի մարզպետարանի քաղաքաշինության վարչության պետի պարտականությունները կատարող Խաչատուր Խնձրցյանն ու զարգացման ծրագրերի, վերլուծության և զբոսաշրջության բաժնի պետ Կարեն Բադիշյանը հերթական շրջայցն են կատարել շինհրապարակներ՝ ծրագրերի ընթացքին հետևելու նպատակով։
Նշենք, որ ծրագրի ընդահնուր արժեքը 749 մլն 451 հազար դրամ է, որից 121 մլն 500 հազարն ուղղվելու է հրապարակի նորոգմանը։ Պետությունը հատկացնելու է գումարի 40 տոկոսը, 60 տոկոսը կտրամադրվի համայնքային բյուջեից։
Շինարարական աշխատանքներն իրականացնում են «Լենճանշին» և «Մերձմոսկովյան» ընկերությունները», – ասվում է հայտարարության մեջ։
